محمد ا.

أهلاً بيك،

​أنا فيديو إيديتور (Video Editor) وصانع محتوى، شغلي الأساسي قايم على المونتاج اليدوي الاحترافي اللي فيه روح وفن، مش مجرد رص لقطات. هدفي إن الفيديو بتاعك يطلع له طابع خاص، وأنا بهتم جداً بتفاصيل ال Sound Effects وتناسق الصوت مع الصورة عشان أضمن إن المشاهد يفضل مشدود للفيديو لآخر ثانية.

​ليه نشتغل مع بعض؟

​مونتاج يدوي 100%: الشغل كله بعمله بنفسي على Premiere و CapCut، بهتم بالتقطيع وتصحيح الألوان وإضافة ال Transitions المناسبة لروح الفيديو، يعني شغلي بعيد تماماً عن القوالب الجاهزة أو تدخل الذكاء الاصطناعي بشكل عشوائي.

​لمسة الذكاء الاصطناعي (عند الطلب): بحكم خبرتي القديمة في قنوات ال Pixar Art، عندي مهارة كبيرة في توظيف الذكاء الاصطناعي. لو حابب تضيف لقطات معينة أو مشاهد "أنميشن" بجودة سينمائية جوه الفيديو بتاعك، فأنا أقدر أعملك ده باحترافية تخليه جزء لا يتجزأ من العمل الأصلي.

​هندسة صوتية محترفة: بركز جداً على تظبط الصوت، لأن الفيديو الناجح هو اللي المشاهد بيسمعه بجودة كويسة زي ما بيشوفه بالظبط.

​خبرة صانع محتوى: لأني كنت صاحب قنوات يوتيوب، فبقدر أساعدك في إنتاج فيديو مش بس شكله حلو، لكن فيديو "ناجح" وبيجيب مشاهدات وتفاعل.

​أنا بقدملك جودة شغل محترمة، التزام تام بالمواعيد، ومرونة كبيرة في التعديلات لحد ما نطلع النتيجة اللي ترضيك.

​بص بصه على معرض أعمالي، ولو حبيت نبدأ شغل أنا موجود وجاهز للدردشة في تفاصيل مشروعك.