Mohamed A.

أنا محمد، Full-Stack Developer، بساعد أصحاب الأفكار والشركات يحولوا فكرتهم لمنتج رقمي متكامل، سهل الاستخدام والإدارة، وقابل للتطوير والنمو.

بالنسبالي المشروع مش مجرد واجهات وكود، لكنه بيزنس لازم أفهم هدفه، وطبيعة مستخدميه، وطريقة تشغيله قبل ما أبدأ التنفيذ. علشان كده بنحدد من البداية الخصائص الأساسية والأولويات، ونستبعد أي تعقيد أو تكلفة مش هتضيف قيمة حقيقية للمشروع.

أقدر أتولى تنفيذ المشروع بالكامل، بداية من تحليل الفكرة وتخطيط رحلة المستخدم، وحتى تطوير الواجهات وال Back-End وقواعد البيانات ولوحات التحكم، وربط الخدمات الخارجية، ثم الاختبار والتجهيز للإطلاق.

الخدمات اللي بقدمها

　　• تطوير المواقع والمنصات وتطبيقات الويب.

　　• تطوير تطبيقات Android وiOS.

　　• بناء واجهات سريعة باستخدام React.js وNext.js.

　　• تطوير Back-End آمن ومنظم باستخدام Node.js وExpress.js وNestJS.

　　• إنشاء لوحات تحكم لإدارة المستخدمين والمحتوى والطلبات والمدفوعات.

　　• تصميم وإدارة قواعد بيانات PostgreSQL وMongoDB.

　　• ربط بوابات الدفع، والإشعارات، والخرائط، والبريد الإلكتروني وال APIs.

طريقة العمل

الشغل بيتقسم لمراحل واضحة، وكل مرحلة بيكون ليها مهام ونتيجة محددة تقدر تراجعها قبل الانتقال للمرحلة التالية. ده بيساعد على اكتشاف أي تعديل بدري، ويضمن إن المشروع بيتنفذ بالشكل المتفق عليه من غير مفاجآت.

اشتغلت على مشاريع متنوعة، منها منصات للولاء والمكافآت، والوظائف، والتجارة الإلكترونية، وإدارة العيادات، والمنصات التعليمية والعقارية والقانونيه، بالإضافة إلى أنظمة تحتوي على مستخدمين وصلاحيات ولوحات تحكم وخدمات خارجية.

هدفي إنك تستلم مشروعًا منظمًا، آمنًا، وسهل الإدارة، تقدر تطلقه وتطوره مستقبلًا بدون الحاجة لإعادة بنائه من البداية.

ابعتلي تفاصيل فكرتك، وخلينا نحدد أفضل طريقة لتحويلها لمشروع حقيقي يخدم أهدافك وعملاءك.