زياد ا.

في النهاية، العميل مش بيدفع عشان الكود نفسه. بيدفع عشان يطمّن إن فكرته هتطلع صح، ومحدش هيوجعه بعد التسليم.

أنا زياد، ببني تطبيقات موبايل باستخدام Flutter، ومعايا الباك إند كامل ب Node.js وNestJS. يعني إنت بتتعامل مع شخص واحد ماسك المشروع من أوله لآخره، مش أجزاء متفرقة محتاجة حد يجمعها.

اللي بيفرّقني مش إني بكتب كود شغال، دي أقل حاجة مطلوبة. الفرق إني ببني ب software architecture منظم وقابل للتوسع، بحيث التطبيق اللي بسلمهولك النهاردة يفضل سهل التطوير بعد سنة، وإنت بتضيف عليه من غير ما حاجة تقع.

بتعامل مع المواعيد كالتزام، مش كوعد ممكن يتأجل. وبتعامل مع طلباتك بمرونة. عايز تعديل، الفكرة اتغيرت، حاجة جديدة ظهرت؟ أنا معاك، مش بختبي ورا "ده مش في الاتفاق".

وعندي خلفية في ال Data وال ML بتخليني أشوف المشروع من زاوية أوسع. فين نقدر نأتمت شغل، وفين نضيف ذكاء يخلي تطبيقك أفضل من المنافسين، مش بس ينفذ المطلوب.

باختصار، لو عندك مشكلة محتاجة حل، مش بس شاشات محتاجة تنفيذ، فأنا هنا عشان ده بالظبط. ابعتلي فكرتك، ونبدأ نفهمها مع بعض صح