زينة ا.

السلام عليكم ورحمة الله و بركاته

معكم المهندسة زينة الحلو ، مصممة داخلية و شغوفة جداً بعالم الإظهار المعماري و ال(3Ds Max).

بعرف إنه أصعب مرحلة في أي مشروع هي "التخيل"؛ كيف رح يطلع شكل الغرفة؟ هل الألوان متناسقة؟ وكيف رح تكون الإضاءة؟ هون بيجي دوري.. أنا مش بس بوزع أثاث، أنا بحول أفكارك لواقع ملموس بصور رندر واقعية (Photorealistic) بتخليك تشوف بيتك أو مشروعك كأنه مبني وجاهز قبل ما

تدفع قرش واحد بالتنفيذ.

أنا بؤمن إنك أنت صاحب المكان وأدرى براحتك، عشان هيك بهمني جداً أسمع أفكارك وتخيلاتك بكل تفاصيلها. دوري كمهندسة إني آخد هاي الأفكار وأوظفها بأسلوب هندسي وفني مدروس، عشان نطلع بأفضل صورة ممكنة بتجمع بين ذوقك الشخصي وبين القواعد الصحيحة للتصميم والجمال.

ليش زينة ؟

دقة هندسية: بحترم القياسات والمساحات، يعني اللي بتشوفيه بالصورة بتقدر تنفذه عالواقع.

إبداع بالماكس: بستخدم أقوى برامج ال 3D عشان أطلعلك تفاصيل الخامات والإضاءة بأعلى جودة.

طول بال: بحب أسمع لزبائني، وبهمنا نوصل لنتيجة بتشبه ذوقك وبتريحك نفسياً.

أهم شي بالنسبة إلي مش بس إني أطلع صورة حلوة، الأهم إنكم لما تدخلوا المكان تحسوا بالراحة النفسية وتشوفوا حالكم فيه. بهمني أصمم مساحة بتشبهكم، لدرجة إنكم تشتاقوا يتنفذ المشروع بسرعة بس عشان تقعدوا في هالمكان وتستمتعوا بكل زاوية فيه.

جاهزة نحول أفكاركم لواقع؟ أنا بانتظار رسالتكم لنبلش الرحلة سوا.