Ahmed E.

السلام عليكم, حابب أني أقدم نفسي بأني من أكتر الناس اللي ممكن تلاقيها متفهمة الشغف والتعب اللي ممكن يتبذل في قناة يوتيوب خاصة بيك, ووقت التفكير العظيم فى صياغة السكريبت والمونتاج, وفى الآخر متلاقيش النتيجة اللي أنت كنت مستنيها من مشاهدات ومشتركين للقناة بعد كل التعب ده..

ليه بقول ده؟ لأني أشتغلت مع عشرات العملاء فى المجال ده, منهم اللي كان بيصنع قناة اليوتيوب من البداية خالص, فشاركتهم شغفهم وحماسهم من بدايته. ومنهم اللي كان قطع شوط كبير مع نفسه, بس محتاج مساعدة فى النص يعرف ايه المشاكل اللي عنده فى الترويج لقناته أو أنه يوصل لجماهير أكتر.

بل كمان بدأت قناة لليوتيوب مخصوص عشان أشرح للناس فيها ازاي يقدروا يشتغلوا فى مجال ادارة قنوات اليوتيوب وتطويرها والتسويق ليها.. ووصلت الحمد لله لأكتر من 100 الف متابع علي جميع منصات السوشيال ميديا المختلفة.

فعشان كده, هتلاقيني معاك بإذن الله في أي حاجة تخص اليوتيوب .. ونبدأ نتشارك الرحلة سوا, بدون وعود خرافية ومش منطقية. لأن دي كانت من أكبر المشاكل اللي كانت بتواجه العملا, انهم مش فاهمين اليوتيوب شغال ازاي.. فكانوا محتاجين توجيه حقيقي بكل أمانة.

فأيه رأيك نتشارك الرحلة دي؟ وأشاركك حماسك؟ ونبدأ علي بركة الله