Omar M.

السلام عليكم، حابب أقدم نفسي بأني من أكتر الناس اللي ممكن تلاقيها متفهمة الشغف والتعب اللي ممكن يتبذل في جمع وتحليل البيانات وفهم تفاصيل الأعمال، والوقت اللي بيتصرف في تنظيف البيانات، تجهيزها، وبناء تقارير ولوحات تحكم تفاعلية .. وفى الآخر تحس إنك محتاج توضيح أكتر أو رؤى أفضل تساعدك على اتخاذ قرارات فعلية أو موصلتش للنتيجة اللي بتدور عليها.

ليه بقول ده؟ لأني اشتغلت مع عشرات العملاء والمشاريع في مجالات مختلفة زي المبيعات و التسويق و الموارد البشرية، من شركات صغيرة لناس لسه بتبدأ تحليل البيانات عندهم، فكنت مع الفريق من أول خطوة لحد ما يوصلوا لرؤية واضحة تساعدهم في أعمالهم. ومنهم اللي كان عنده بيانات كتيرة ومحتاجة تنظيم، بس مش فاهم إزاي يستفيد منها بأفضل شكل، فكنت معهم في التوجيه، النمذجة، والتحليل، وبناء تقارير تفاعلية على Power BI وExcel.

كمان عندي تجربة في مشاركة المعرفة: بدأت أعمل محتوى تعليمى عن تحليل البيانات، من Excel وPower BI لحد تحليل الأعمال و فهم البيزنس بقوة لبناء توصيات أقوى تفيد البيزنس، ووصلت الحمد لله لعدد كبير من المتابعين على السوشيال ميديا، و مبسوط بساعد المحللين يطوروا من شغلهم.

فعشان كده، هتلاقيني معاك بإذن الله في أي حاجة تخص البيانات، من تنظيفها، تحليلها، لحد تحويلها لرؤى قوية و توصيات قابلة للتطبيق. بدون وعود خرافية، لكن مع توجيه حقيقي وشغف لمساعدة أي شخص أو مشروع عايز يستفيد من بياناته لأقصى حد و.

فأيه رأيك نبدأ الرحلة دي سوا؟ ونحول البيانات لمعلومات فعلية تساعدك على اتخاذ قرارات أفضل.