Mohamed A.

كل شركة قررت تشتغل ب Odoo كان هدفها واحد: تنظيم الشغل، توفير وقت، وقرارات أسرع. بس الواقع إن كتير من الشركات بعد شهور من التطبيق بتلاقي نفسها لسه بتدور بالطريقة القديمة، بس دلوقتي جوه نظام معقد بدل الإكسل!

السبب مش في الأداة. السبب إن حد طبّق Odoo "كما هو" بدون ما يفهم تفاصيل شغل الشركة الحقيقية: إزاي المخزون بيتحرك، إزاي المبيعات بتتقفل، وإزاي المحاسبة المفروض تترجم كل ده بشكل سليم.

أنا محمد أحمد، Odoo ERP Functional Consultant، و Odoo Developer ومهمتي إني أوصلك لنظام واحد متكامل، بمعنى إن المبيعات والمخزون والمشتريات والمحاسبة كلهم بيتكلموا مع بعض بلغة واحدة، من غير تكرار شغل أو تعارض بيانات.

طريقتي في الشغل بسيطة: أول حاجة أفهم بيزنسك إزاي شغال على الأرض دلوقتي، مش إزاي المفروض يشتغل في الكتاب. وبعد كل ده، أعمل الإعداد اللي يناسب طريقتك انت، مش طريقة عميل تاني.

النتيجة اللي بستهدفها مش "عندك Odoo شغال"، لكن إنك بقيت تعرف أرقامك الحقيقية، وبتاخد قرار في دقيقة كان ياخد منك أيام بحث.

اشتغلت مع شركات في قطاعات مختلفة، من تأسيس النظام من الصفر، لحد التدريب والمتابعة الشهرية بعد التشغيل.

لو بتستخدم Odoo دلوقتي وحاسس إنه مش بيعطيك القيمة المفروضة، أو لسه في البداية وعاوز تبدأ صح من أول خطوة، تواصل معايا ونبص مع بعض على أفضل طريقة نتحرك بيها.