Mohamed A.

بشتغل في مجال التسويق الرقمي من زاوية مختلفة عن معظم الناس في المجال، مش بس بشغّل إعلانات وبس، أنا بفهم المحتوى، بعمل المونتاج، وبحلل الأرقام، والتلاتة دول مع بعض هم اللي بيفرقوا بين حملة بتصرف فلوس وحملة بتجيب نتايج.

خليت ميزانيات إعلانية محدودة تحقق ROAS ب 20x، ووصلت تكلفة استحواذ العميل لأقل من 2 جنيه في أسواق تنافسية جداً، مش عن طريق الحظ، لكن عن طريق اختيار المنتج الصح، المحتوى الصح، والجمهور الصح.

اللي بميزني إن أنا مش بيع إعلانات فقط، أنا بفكر في المشروع ككل. بشوف فين الفرص الضايعة، بحدد المنتجات الأكثر طلباً، وبعمل محتوى إعلاني بفهم ليه بيشتغل قبل ما يتشغّل. وفي نهاية كل شهر بطلّع تقرير واضح بيفرق بين اللي نجح واللي محتاج تعديل.

اللي بقدر أعمله معاك:

إعلانات Meta وTikTok: بشتغل على الحملة من أول ما بختار الجمهور والمنتج لحد ما بتابع الأداء يومياً وبعدّل على أساس الداتا، مش التخمين.

مونتاج فيديو للسوشيال ميديا: بعمل فيديوهات مناسبة لكل منصة، سواء Reels أو TikTok أو إعلانات، بتركيز على أول 3 ثواني اللي بتحدد إذا كان العميل هيكمل أو لأ.

خطة محتوى وسوشيال ميديا بلان: مش مجرد جدول نشر، بنحدد فيه هوية البراند، نبرة الكلام، والأفكار اللي بتخدم هدف تجاري حقيقي.

تحليل الأداء والتقارير: بطلع تقرير شهري بيبين إيه اللي اشتغل وإيه اللي وقف وليه، وبيديك صورة واضحة لقرارات الشهر الجاي.

لو عايز حد يفهم مشروعك ويشتغل معاك بعقلية شريك مش مجرد منفذ، أنا موجود.