Mina M.

رحلتي مع عالم التدريب والاستشارات بدأت بحب كبير لتطوير الناس والشركات.

أنا مينا العقدة، استشاري موارد بشرية وتدريب، بخبرة أكتر من 10 سنين في مجالات زي تطوير المهارات، تصميم السياسات، وإعادة هيكلة الشركات لتحقيق أهدافها.

وعلى مدار سنين كتيرة، اكتشفت إن واحدة من أهم مهاراتي هي مساعدة الشباب في إيجاد وظيفة أحلامهم.

بشوف إن أول خطوة لتحقيق ده هي تقديم توجيه مهني دقيق، يساعدهم يحددوا طريقهم، وكمان كتابة سيرة ذاتية احترافية تعبر عن مهاراتهم وتلفت أنظار أصحاب الأعمال.

قدرت أساعد مئات الشباب إنهم يحققوا النقلة دي، سواء من خلال جلسات استشارة فردية، ورش عمل، أو حتى مراجعة وتطوير السير الذاتية بشكل يبرز نقاط قوتهم ويخلق فرص حقيقية ليهم في سوق العمل.

بجانب ده، بشتغل على تصميم برامج تدريبية بتخاطب الاحتياجات الفعلية للمتدربين، سواء كانت في مهارات التواصل، مهارات القيادة والادارة، المبيعات، أو حتى تطوير الأداء العام للشركات. وأكتر حاجة بحبها في شغلي هي اللحظة اللي بشوف فيها التأثير الإيجابي للتغيير اللي بنحققه سوا.

لو شركتك محتاجة دعم حقيقي في الموارد البشرية أو التدريب، أو لو كنت شاب بتدور على وظيفة أحلامك وعايز توجيه مهني أو سيرة ذاتية تميزك، أنا هنا للمساعدة. خلينا نشتغل مع بعض ونحقق النجاح اللي بتحلم بيه.