Mahmoud A.

السلام عليكم , يشرفني زيارتك لصفحتي واتمني إني أساهم في تحقيق احلامك ونجاحاتك المستقبلية باذن الله .

- حابب اقدملك نفسي بإني بفضل الله من اكتر الناس اللي ممكن تلاقيها متفهمة الشغف والحب والافكار الابداعية اللي موجوده عندك بخصوص بيتك او مشروعك التجاري واللي بتحتاج تترجمها ع ارض الواقع لرسومات تعبر عنك وتحققلك الوظيفة والشكل اللي بتتمناهم .

- ليه بقول ده ؟ ..لأني بفضل الله اشتغلت مع عشرات العملاء فى كل ما يخص التصميم المعماري والتصميم الداخلي بخبرة 5 سنوات وخصوصا المشاريع السكنيه اللي بتخليني اشارك الناس اهتماماتهم بشكل جميل ونسعي مع بعض ف تحقيقها واستمتعت فيها بمختلف مراحلها واحجامها , بداية من شقة 48 متر ..لشقة 250 متر وغيرها كتير بفضل الله , منها مباني صممتها من البداية ومنها اللي طورت تصميمها القائم واللي شوفت اد اي ممكن تغيير بسيط يحل مشكلة كبيرة ويحقق راحة لمستخدميه .

- فعشان كده هتلاقيني معاك باذن الله في كل ما يخص التصميم المعماري والتصميم الداخلي ...ونبدأ نتشارك الرحله مع بعض ونوصل لنتيجه مناسبة تحققلك طموحاتك واحلامك المستقبليه باذن الله , ودي باختصار الخدمات اللي اقدر اقدمهالك :

- التصميم ثلاثي الأبعاد :حيث اقوم بعمل ( تصميم - اظهار - تطوير ) المخططات والرسومات ثنائية الابعاد وتحويلها الي تصاميم 3d واقعيه واحترافيه.

- التصاميم السكنيه باختلاف حالاتها ( تصميم - تعديل - تطوير ) التصميم .

- عمل التصاميم الداخليه المتنوعه بتصميم ابداعي ومساحات جذابة من الناحية الجمالية بجوده احترافيه.

- وان شاء الله اكون اهل لثقتك واقدر احققلك التصميم اللي تتمناه ويحققلك البيئة المناسبة للحياة والجمال والراحه واكون جزء من نجاحك ..لان نجاحك هو كمان نجاح ليا .