الهام ا.

السلام عليكم

انا بعمل منتجات ورقية زى كراريس و كشاكيل سواء سلك او عادى

بس بتبقى حسب ما تحبوا يعني الشكل اللى حابينه انا بصممه و لو طالب حابب يكتب اسمه و اسم المادة كمان متاح معايا ان شاء الله

*بعمل دفتر المذكرات اليومية بيبقى متقسم كل شهر و كل يوم بيومه

قسم للصلاة و الأذكار و ورد القرآن و كمان أهداف اليوم

غير صفحة كلمات المرور عشان تسجل كل الايميلات و الباسورد بتاعها

و صفحة تعريف نفسي و اللى هى أسئلة عن مفضلاتك و هواياتك

و قسم خاص بالانشطة(سلّي نفسك) بيبقى فيه تلوين و الغاز زى السودوكو و الكلمات المتقاطعة

و صفحة للعادات اللى حابب تكتسبها او تتخلص منها

و أهم صفحة هى صفحة ( قيّم نفسك) بتكتب فيها عيوبك و مميزاتك و دى ساعدتني شخصيا اعرف نفسي اكتر و اشتغل عليها

*بعمل كمان (برطمان الإلهام)

بيبقى عبارة عن برطمان مليان سواء:

اقتباسات او آيات بتلمس قلوبنا و تشجعنا نكمل

او اسألة تعرفك عن نفسك اكتر بتحطك فى اكتر من موقف تبدى فيه وجهة نظرك و هكذا

ممكن يتحط ع المكتب او فى الشغل او العيادة

و لسة مستمرين فى التصميم و الإبداع بكل ما تحبوه و بأسعار منافسة بإذن الله

دمتم بخير