Aya R.

السلام عليكم ورحمة الله وبركاته

أنا آية رفاعي، مطورة واجهات أمامية (Front-End Developer) بحب البرمجة جدًا، وبشوفها وسيلة أعبّر بيها عن الأفكار بشكل جميل وسهل الاستخدام.

بدأت رحلتي بتعلّم HTML وCSS لتصميم الصفحات، وبعدها دخلت على JavaScript علشان أضيف التفاعل والحركة.

اشتغلت كمان على Bootstrap وTailwind CSS علشان أقدر أعمل تصاميم متجاوبة بسرعة ومن غير تعقيد.

بعد كده بدأت أتعلم React وAngular، ولسه في مرحلة تطوير نفسي فيهم — بفهم أساسيات كل إطار، وبدأت أشتغل على مشاريع بسيطة عشان أطبق اللي بتعلمه عملي.

بجانب كده عندي خبرة كويسة في WordPress، وقدرت أشتغل على مواقع فعلية وأعدل في القوالب والإضافات، وببدأ أتعمق دلوقتي في WooCommerce علشان أتعلم بناء متاجر وأنظمة اشتراكات.

بحاول دايمًا أوازن بين التصميم والتطوير، علشان الموقع يكون شكله حلو وسهل الاستخدام في نفس الوقت، وده السبب اللي خلاني أتعلم شوية UI/UX واشتغل على Figma لتصميم الواجهات.

كمان عندي خلفية في قواعد البيانات (MySQL وMongoDB)، بفهم إزاي البيانات بتتخزن وبتتفاعل مع الموقع.

ومن ناحية تانية بحب كتابة المحتوى، وعندي خبرة في كتابة محتوى متوافق مع SEO وده بيساعدني أقدّم مواقع مش بس شكلها حلو، لكن كمان بتظهر كويس في البحث.

أنا مؤمنة إن الاحتراف بيجي بخطوات عملية، عشان كده أسعى دايمًا أنفذ مشاريع صغيرة أطبق فيها اللي بتعلمه، وأطوّر نفسي كل يوم خطوة لقدام. لو بتدور على حد ملتزم، جاد، وعنده شغف بالتعلم، أتطلع أكون جزء من مشروعك وأساهم فيه بجدية.

لو بتدور على حد ملتزم، صبور، وبيشتغل بحب وتفاصيل، هكون مبسوطة أشتغل معاك