Ahmed K.

لو مشروعك عبارة عن متجر إلكتروني أو نظام SaaS أو ERP، فأنت في المكان الصحيح.

اسمي أحمد، مطوّر Full-Stack بخبرة 6 سنين، وقررت من بدري إني ما اشتتش نفسي في كل حاجة، وأركّز في التلات مجالات دول بالذات لأنهم اللي بنيت فيهم أغلب شغلي وبقيت فاهم التفاصيل الى بتفرق مع العميل.

المتاجر الإلكترونية

ده أكبر جزء في خبرتي. عندي عشرات المتاجر متنفذة على Shopify، وبرمجة خاصة من الصفر لما العميل بيحتاج حاجة خارجة عن حدود المنصات الجاهزة. مش بصمم متجر شكله حلو وبس، بصممه عشان يبيع: تجربة مستخدم مريحة، سرعة، صفحات منتجات مقنعة، وربط سليم لبوابات الدفع والشحن.

منصات SaaS

لما تيجي تبني منصة اشتراكات، القرار الصح من أول يوم بيفرق بين منصة بتكبر ومنصة بتقع أول ما المستخدمين يزيدوا. أنا بشتغل على ال Architecture الأول: تصميم قاعدة البيانات، عزل بيانات كل مشترك بأمان، نظام الباقات والاشتراكات، ولوحات التحكم. بنيت منصات SaaS متعددة المستأجرين جاهزة تخدم آلاف المستخدمين من غير ما نعيد كتابة النظام كل ما نكبر.

أنظمة ERP

لو بتدير شركتك على Excel وملفات متفرقة وكل قسم بيشتغل لوحده، أنا بحوّل ده لنظام واحد منظم. بربط المخزون والمشتريات والمبيعات والمحاسبة والفواتير في مكان واحد، مع تقارير لحظية تخليك عارف بيحصل إيه في شغلك بدون ما تجمع الأرقام بإيدك. النتيجة وقت أقل، أخطاء أقل، وقرارات مبنية على أرقام حقيقية.

خبرتي هى خبرة عملية. كنت مسؤول عن ال System Design والبناء من الصفر في أنظمة لشركات كبيرة فى السعودية و كندا، فبتعامل مع المشاريع الكبيرة والمعقدة بكفأة ودايما بقدم افكار للتطوير.

لما تشتغل معايا هتلاقي حد بيهتم بأدق التفاصيل، بيتواصل معاك باستمرار طول المشروع، وبيقولك المدة الحقيقية للشغل بصراحة مش أرقام وهمية عشان بس ياخد المشروع. وبفضل موجود بعد التسليم لأي ملاحظة أو دعم. وعندي معرض أعمال ضخم يشرفني تاخد فيه جولة قبل ما تقرر.

ليه تشتغل معايا

- بفكر معاك فى المشروع نفسه بعيدا عن الكود وبحاول اطلع افكار من خبرتي فى تفيد المشروع

- بمتلك أدوات وثيمات ومكتبات مدفوعة هتحصل عليها مجاناً لما تشتغل معايا، بتوفر وقت وفلوس على المشروع.

- بقدم دعم بعد التسليم لأي ملاحظات وضمان استقرار الإطلاق.

- بتكلم عربي وإنجليزي وشغال مع عملاء من مصر والسعودية والخليج وكندا.