Adham F.

علشان أغلب المجال الطبي بيعاني لما يقرر يعمل فيديو احترافي او تصميم احترافي للعيادة او المركز او حتي المؤتمر بسبب ان المصلطحات الطبية مش متوفرة عند اغلب المصورين والمونتيرز وبيضطر يشرح كتير ويحاول يجبله امثلة وفيديوهات وصور والموضوع بيبقي صعب.

حبيت اقولك ان انا دكتور علاج طبيعي وفيديوجرفور ومونتير في نفس الوقت خاصة في المجال الطبي. قدرت الحمدلله اني اثبت نفسي اونلاين مع عملاء كتير علي الخاص من مصر ومن خارج مصر وكمان حاليا شغال مع اكتر من دكتور قائم علي الفيديوهات بتاعتهم للعيادة من اول التصوير مرورا بالمونتاج وحتي الرفع علي الصفحات الخاصة بهم وطبعا البوسترات والتصميمات لرفع الريتش بتاع الصفحات والزيارات.

انا هنا بعمل اي ؟

_ أولا انا هنا علشان انا حابب المجال الطبي وحابب اخدم الناس اللي فيه بكل الطرق المتاحة من غير ما يشرحوا ولا الموضوع يطول.

_ تاني حاجة بقي علشان اساعدك توصل المحتوي بتاعك للمهتمين بالمجال سوء طلاب طب او دكاترة كبار ويكون علي مستوي محترف يليق بالمجال الطبي.

_ حابب يكون ليا عملاء خاصيين ودة طبعا هيحصل لما اثبت نفسي في المشاريع الاولي بينا علشان كدا حابب يكون في علاقة مستمرة بيني وبينك وشغل داثم وثقة متبادلة.

_ متقلقش انا ليا شغل كتير هتشوفه عندي في المعرض لكن عايز اقولك اني اقوي من كدا بمراحل حرافيا لكن اللي هتشوفه بيبقي طلب الدكاترة او العملاء.

_ نفسي فعلا المجال الطبي يوصل للناس بالصورة المناسبة والناس متخفش من الدكاترة بسبب سوء التسويق ليهم او غيره.

طيب اي هي الخدمات بتاعتي بالظبط اللي بقدمها ؟

_ تصوير فيديو احترافي للعيادة او للمركز او حتي تجربة شخصية لمريض بجودة عالية 4k وبصوت واضح جدا بدون ضوضاء.

_ مونتاج الفيديوهات التعريفية, وفيديوهات ترويج المنتجات الطبية وطبعا الانترو والاوترو.

_ تصوير استطلاع رأي او تجربة في كورس او مريض في عيادة.

_ تصوير كورسات كاملة او ورك شوب كاملة تتراوح من 3_8 ساعات وعمل مونتاج كامل لها.

_ تصوير المؤتمرات واحضار فريق كامل خاص بتصوير المؤتمرات الطبية.

_ تصوير محتوي اليوتيوب والتيك توك والفيسبوك في المجال الطبي.

_ مونتاج الكورسات والورك شوب وايضا المؤتمرات.

_ مونتاج وتصحيح الصوت للفيديوهات والتعديل عليها.

_ تصحيح الالوان للفيديوهات باستخدام برنامج ادوبي بريمير والوحش الكاسر دافينشي.

طيب تختارني انا ليه مش اي حد تاني ؟

_ أولا دة رزق بتاع ربنا محدش بيدخل فيه.

_ تاني حاجة لاني في المجال الطبي وفاهم كويس انت عايز توصل اي.

_ علشان انا هعمل المشروع وانا حابب انه يطلع بأقوي جودة ممكنة لانه في المجال اللي انا حابه واختارته لنفسي في حياتي.

_ طبعا لان عندي اعمال سابقة ومش اول مرة اشتغل.

_ تسليم المشروع في الموعد المحدد وعدم التاخر باذن الله.

_ الاسعار باذن الله هتلاقيها مناسبة جدا مقارنة بالاسعار اللي هتتعرض عليك ( ومحدش يقلي بحرق اسعار ولكن دة مجالي وحابب اخدمه بالطريقة المناسبة مش استغله ويبقي مشروع وانتهي ).

_ ان شاء الله هيعجبك المنتج النهائي وهستناك تكلمني تاني في مشاريع تانية سوء ليك او لدكتور زميلنا.