Abdilrahman G.

أنا عبدالرحمن جمال، مطور تطبيقات iOS بخبرة أكتر من 8 سنين في بناء وتطوير تطبيقات موبايل أصلية (Native) ونشرها على App Store.

اشتغلت في مجالات متنوعة جداً: من تطبيقات التجارة الإلكترونية والمتاجر الإلكترونية، لتطبيقات الطلبات والتوصيل، لتطبيقات دينية وصحية ورياضية. وكان من أهم أعمالي إني بنيت نظام (Platform) متكامل اسمه "متاجر"، بيسمح بإطلاق تطبيقات جديدة بسرعة من خلال نظام واحد قابل لإعادة الاستخدام، بدل ما كل تطبيق يتعمل من الصفر.

بستخدم SwiftUI وSwift و UIKit بشكل أساسي، وعندي خبرة قوية في ال architectures المختلفة زي MVVM و MVC، وكمان في التعامل مع الدفع الإلكتروني، الخرائط والمواقع، والإشعارات الفورية.

بحب الشغل بدقة واهتمام بالتفاصيل، وبركز دايماً على كتابة كود نظيف وقابل لإعادة الاستخدام، عشان أضمن إن التطبيق يفضل سهل التطوير والصيانة على المدى الطويل. كمان عندي خبرة في الشغل كفريلانسر، وده خلاني أتعلم أتعامل مباشرة مع العملاء، أفهم احتياجاتهم، وأديهم نتيجة تناسب وقتهم وميزانيتهم.

شغوف بمتابعة كل جديد في عالم تطوير iOS، وهدفي دايماً إني أقدم تطبيق يحقق هدف العميل بأعلى جودة ممكنة.