Abdelrhman M.
نبذة عني
أنا عبدالرحمن وبشتغل في التسويق وإدارة المحتوى وتطوير البيزنس من أكتر من 5 سنين
خلال الفترة دي اشتغلت مع شركات وبراندات في السعودية والكويت والإمارات وعمان والعراق وتركيا ومصر وكان دوري مش مجرد أعمل محتوى لكن أفهم البيزنس نفسه وأعرف إزاي المحتوى يبقى سبب في زيادة المبيعات وتحسين النتائج
أنا مؤمن إن المشكلة في أغلب المشاريع مش في المنتج لكن في طريقة تقديمه وتمركزه في السوق والخطة اللي ماشية بيها الشركة
اشتغلت على أكتر من 23 مشروع على مواقع العمل الحر بتقييم 4.9 وهدفي في كل مشروع كان إني أحقق نتيجة حقيقية مش مجرد تسليم شغل
من المشاريع اللي أفتخر بيها ساعدت براند مكملات غذائية في العراق يبيع 99% من المخزون قبل انتهاء صلاحيته عن طريق إعادة بناء الاستراتيجية والعروض والمحتوى
واشتغلت مع مطعم في السعودية وحللت سلوك العملاء واكتشفت إن أغلب المشترين سيدات وبعدها تم تطوير الهوية والألوان بما يناسب الجمهور المستهدف
وشاركت في بناء صيدلية أونلاين في الكويت من البداية ووصلت لمبيعات 1500 دينار كويتي خلال أول شهرين إلى 3
وكمان قدرت أوصل براند ساعات في مصر ل 8 إلى 14 أوردر يوميًا باستخدام محتوى تيك توك فقط بدون أي إعلانات ممولة
وبنيت حسابي على تيك توك من الصفر ووصل لأكتر من 2 مليون مشاهدة و20 ألف متابع
جربت كمان أبني 3 مشاريع خاصة بيا بعضها نجح وبعضها فشل وده اداني خبرة عملية في إدارة وتشغيل البيزنس واتخاذ القرارات وحل المشاكل
لو هتشتغل معايا هتتعامل مع شخص بيفكر في البيزنس الأول ويعتمد على تحليل البيانات وسلوك العملاء ويهتم بالتنفيذ وتحقيق النتائج أكتر من الكلام النظري
لو هدفك تزود مبيعاتك أو تبني استراتيجية واضحة أو تطور المحتوى بحيث يبقى أداة حقيقية للنمو هكون سعيد إني أشتغل معاك