يوسف و.
نبذة عني
اهلا انا يوسف,
من وانا صغير كان عندي حب غريب للتفاصيل
ما كنتش بشوف الحاجة وخلاص كنت بحاول افهم ليه حسستني بكده
مسكت كاميرا وابتديت اصور واعدل فيديوهات وقعد بالساعات اجرب واحذف وارجع تاني عشان اوصل لاحساس معين
مكنتش فاهم وقتها ان ده بيبني فيا حاجة كبيرة
دخلت حاسبات ومعلومات واتعلمت التفكير المنطقي
اتعلمت ان كل نتيجة وراها سبب
وكل مشكلة ليها حل لو فهمتها صح
اشتغلت على مشاريع كتير وغلطت كتير واتعلمت اكتر
ومع الوقت فهمت اني بحب ابني حاجة من الصفر واشوفها بتكبر قدامي
لما دخلت مجال التسويق حسيت ان كل حاجة عملتها قبل كده كانت بتجهزني للمرحلة دي
التصوير علمني الاحساس
المونتاج علمني التفاصيل
البرمجة علمتني التحليل
والمشاريع علمتني المسؤولية
بقيت لما اشوف اعلان ما بشوفش صورة وخلاص
بشوف ارقام وسلوك عميل وفرصة تتحول لنتيجة
اختبرت كتير وعدلت كتير وطورت نفسي خطوة خطوة
وبفضل الله في 2025 قدرت ادير اكتر من مليون دولار انفاق اعلاني
وحققنا عائد يقرب من 7 ونص مليون دولار على المشاريع اللي اشتغلت عليها
الرحلة بدأت بكاميرا بسيطة
والنهارده باخد قرارات بملايين
واللي جاي احسن بكتير
