مشروع طبي بحاجة إلى إضافات وتعديلات برمجية PHP

لدي سكريبت طبي للخدمات الطبية للطبيب والمريض

المبرمجين الاساسيين كانوا من الهند وعملوا جزء كبير من البرنامج ولكن بعد الكورونا الشركة تقريبا عندهم قفلت وبلغوني انهم مش عارفين يكملوا شغل من البيت على البرنامج مع انهم واخدين جزء كبير جدا من ثمنه وكان لسه مطلوب تعديلات وتحسينات على البرنامج بشكل كبير .. فاضطريت أبحث عن حد يكمل شغله عليه و حد يكون باك أب ليا لو احتجت اي حاجة في البرنامج يكون هو المتبني ليه في تعديله وتحسينه والاضافات اللي هنعملها عليه كل شوية ان شاء الله

البرنامج فكرته باختصار انه بيقدم خدمات مواعيد الحجز للأطباء

كل طبيب بيكون ليه لوحة تحكم كاملة ليه وكذلك المريض

والدكتور يقدر يحدد مواعيده المتاحة خلال الاسبوع

والمريض بيحجز عند الطبيب ده بناءا على الموعد المتاح للطبيب الظاهر أمامه

فيه نوعين للحجز Clinic و Online

Clinic عشان لو عاوز يحجز موعد زيارة للعيادة

Online لو عاوز يحجز موعد للاتصال بالدكتور بالفيديو من داخل البرنامج او بالصوت او بالشات الكتابي

وفيه محركات بحث كاملة عن الطبيب بدلالات كتير

وكذلك في blog كامل اتعمل بشكل كويس

المطلوب هيكون فيه تعديلات محتاجينها عشان نبدأ ننزل التطبيق حاليا

وفيه اضافات أخرى هنستكملها وهو شغال باذن الله

من الأمور المطلوبة الأساسية حاليا :

1 - ضبط الـ Video & Audio call بالمشروع لانه احيانا يعمل بشكل جيد وأحيانا لا .. فلو أمكن تغيير الـ 3rd party اللي هما استخدموا دوال الـ API الخاص بهم او حتى ظبطها بشكل جيد على نفس المنصه المستخدمة .

2 - عمل Notifications صوتية وبرسالة popup message عند وصول رسالة استشارة جديدة او حجز جديد أو تقارير فحوصات جديدة .

3 - عمل لينك للتخصصات الطبية بحيث انه عند الضغط على التخصص يظهر كافة أطباء هذا التخصص لانه حاليا لابد من اظهار أطباء التخصص المطلوب عن طريق محرك البحث فقط والبحث بالـ Ajax وبالتالي يصعب علي استخراج لينك التخصص .

4 - ضبط وإظهار الهيدر والفوتر أو اخفاؤهم في بعض الشاشات .

ومن الأمور المطلوبة الثانوية والتي سيتم عملها أثناء عمل التطبيق :

- إظهار الطبيب إن كان Online - Offline الآن .

- عمل برومو كود بحيث أنه يمكن للمريض استخدامه مع طبيب معين أو تخصص معين لينزل له تخفيض على فاتورته مباشرة .

- وغير ذلك الكثير باذن الله ..

السكريبت PHP مستخدم غالبا بـ Codeigniter Framework

فمن يرى أنه له القدرة على تولي هذه المهمة فليتفضل مشكورا باذن الله ..

التعديلات مطلوبة على وجه السرعة لأنه من المفترض أن يبدأ في بداية شهر القادم باذن الله .

تحياتي لكم جميعا