عمل تطبيق يسمح لأشخاص معينين مشاهدة الفيديوهات
وصف المشروع
المطلوب:
عمل تطبيق للاندرويد والايفون
التطبيق هيتعرض جواه محاضرات فيديو
المحاضرات دى هتظهر فقط لاشخاص معينين اللى هما الطلبة المشتركين فى الكورس
كل طالب مشترك هيوصله مثلا كود من خلال الكود يقدر يدخل للتطبيق ويلاقى الفيديوهات ويقدر يتفرج عليها فى اى وقت طول فترة الكورس وبعد انتهاء فترة الكورس
طبعا يكون عندى القدرة ان ألغى عرض الكورس لأى مشترك فى أى وقت
بحيث ان لو وقفت الكود بتاع الطالب الفلانى الكورس يختفى من عنده على التطبيق
الفيديوهات نفسها هتكون من جوجل دريف
بحيث نوفر موضوع سيرفرات التشغيل
يعنى التطبيق هيعرض فيديوهات من جوجل دريف لطلبه معينين
لو حد حمل التطبيق ومش معاه الكود مش هيقدر يفتح الكورس
كذلك لو حد معاه الكود والكورس فتح معاه بيكون ليه صلاحية فقط يشاهد الفيديوهات وميقدرش يستخرج رابط الفيديو ده بأى طريقة عشان طبعا لو قدر يستخرج رابط الفيديو هيقدر يحمله من برا التطبيق ويحتفظ بالفيديو عنده ديما
احنا عايزين الفيديو يكون على أد مده الكورس فقط
وانا ليا صلاحية بانشاء اكواد لاضافة طلبه جدد او الغاء اكواد عشان اقفل الكورس عن طلبة انتهى الكورس عندهم
النقطه المهمة والاساسية الغير قابله للتفاوض
ان التطبيق يمنع سكرين شوت على الاندرويد والايفون
انا بحثت عن النقطه دى وعارف انها صعبه على الايفون بس فى النهاية بتتعمل
وسهل عملها على الاندرويد
فدى مهمه جدا منع عمل سكرين شوت ومنع طبعا اى برامج تسجل الشاشة - من الاخر من حق الطالب مشاهده الفيديوهات فقط - ومش من حقه أخد سكرين شوت أو تسجيل المحاضرة بأى برامج تسجيل للموبيل أو استخراج روابط من التطبيق
فقط يشاهد الفيديوهات لفترة معينه ثم تقف لما انا الغى الكود بتاعه
مطلوب مبرمج خبرة يعمل تطبيق شكل احترافى مش بدائى
كذلك التطبيق يكون متوافق مع كل اصدارات الموبيلات ومش كل شوية يهنج او يفصل نتيجة اخطاء فى البرمجة
عايز تطبيق احترافى ميتعبنيش بعد كده فى الشغل
لو انت شايف نفسك مبرمج خبرة وتقدر تعمل التطبيق ده
هكون داعم ليك ماديا باللى تطلبه بس محتاج شغل عالى
محتاج التطبيق على نص فبراير 2020
المهارات المطلوبة
العروض المقدمة
السلام عليكم ورحمة الله وبركاته يمكنك بداية زيارة معرض الاعمال الخاص بنا والغني بفضل الله يمكن بكل تاكيد برمحة التطبيق المطلوب مع مراعاة التفاصيل كمنع السكرين ش...
استاذ ابراهيم السلام عليكم و رحمة الله ، انا احمد محمد مطور تطبيقات اندرويد ولدي خبرة كبيرة بمجال تطوير و تصميم التطبيقات اكثر من ٣ سنوات ، لقد قرات المطلوب ويم...
مرحبا استاذ إبراهيم، لدي خبرة لأكثر من 5 سنوات في مجال برمجة الاندرويد و ال restFul APIs بال backend الخاص بها كما عملت على برمجة عدة مكتبات برمجية لمبرمجي الأن...