تصميم وبرمجه النموذج الأولى من تطبيق لهواتف الأندرويد

السلام عليكم ورحمه الله

الفكره باختصار انا دلوقت شغال مندوب مبيعات فى شركه لاكتيل ونستله .. لبيع منتجات الزبادى وزجاجات اللبن ومشروب الزبادى وهكذا من المنتجات وانا مسؤول عن توزيع منتجات الشركه لمحلات فى منطقه كبيره الفكره انى لاقى مشاكل فى جزء التعامل بين الشركه ومندوبى البيع لديها وبين أصحاب المحلات اللى بيشتروا منتجات الشركات دى علشان يبيعوها للمسهلكين شايف مشاكل فى عمليه التواصل المباشر بين الشركه واصحاب المحلات ووصول سعر الشركه بالظبط لاصحاب المحلات ومشاكل فى المناديب فى عمليه البح عن محلات جديده ومشاكل للمناديب فى عمليه حفظ اكبر عدد من بيانات واماكن المحلات فى منطقتهم ومشاكل لاصحاب المحلات فى طلب المنتجات اللى محتاجينها فى الوقت اللى محتاجينه ومشاكل لاصحاب المحلات فى انه مجبر ياخد بضاعه من شركه معينه لان الشركات التانيه غير متاحه قدامه ومش عارف يوصلها وغيرها من المشكلات ... فنا عايز نظام فى النص ينظم العلاقه بين الشركه ومندوبيها وبين أصحاب المحلات ويربط الاطراف دى ببعضها بشكل أكبر وأسهل ويسهل عمليه التواصل بينهم ويحل المشكلات فى عمليات التواصل والبيع بينه ويتضاف عليه أكبر عدد من المحلات والشركات تعرض عليه منتجتها للمحلات بحيث بدو يبقى من جانب دليل جيد وسهل لمنتجات الشركات ومن جانب اخر دليل للمحلات التجاريه اللى بتطلب منتجات الشركات دى

بحيث فى النموذج الاولى من التطبيق انا هاستغل انى شغال مندوب فى شركه بيع ومسؤول عن توزيع منتجاتها فى منطقه كبيره ولما التطبيق يتعمل هاعمل حساب للشركه اللى انا شغال فيها على التطبيق وهاحط كل بياناتها وهانشر المنتجات بتاعت الشركه بصورها وبياناتها على التطبيق من حساب الشركه وبعدين هاعمل لنفسى حساب مندوب تابع لحساب الشركه دى بحيث ححساب الشركه هو فقط اللى بينشر المنتجات ويعدل عليها وعلى بياناتها واسعارها وهو اللى بيضيف او يأكد حسابات مناديب البيع اللى شغالين لدى الشركه دى وهو اللى بيحدد لكل مندوب منطقه عمله اللى بيستقبل طلبات المنتجات منها ... لكن الشغل الأكبر على حساب المندوب بحيث منه هايقدر يضيف حسابات للمحلات اللى بيتعامل معاها ويقدر يتواصل مع اصحابها من خلال التطبيق ويقدر يحد المنتجات اللى بيشتغل فيها من الشركه ويستقبل طلبات المحلات اللى فى منطقته من منتجات الشركه بكافه تفاصيل الطلب وبيانات المحل ويقدر حساب المندوب انه ينظم المحلات الموجوده على التطبيق واللى بيضيفها بحيث يقدر يعمل خطوط سير أو خطوط عمل حسب ايام العمل اللى هو محددها بحيث يحدد لكل يوم مجموعه من المحلات بحيث ان كل يوم يقدر يعرف هو هايروح لمحلات ايه واماكن المحلات بالظبط وبياناتها وبيانات اصحابها وبعدين هادى التطبيق لأصحاب المحلات اللى فى منطقتى بحيث اى حد فيهم جزء اللى هايحتاج بضاعه من الشركه اللى انا شغال فيها فى اى وقت يقدر يطلب البضاعه م خلال التطبيق ... ويقدر يستعرض بيانات البضاعه اللى الشركه ناشراها بكل البيانات اللى هو محتاج يعرفها من اسم الشركه واسم المنتج ووصف له وصور له وسعر الكرتونه من المنتج وسعر بيع العلبه للمحل والسعر المقت لبيع العلبه للمستهلك والربح المتوقع للمحل وطريقه بسيطه تمكن صاحب المحل من تحديد الكميه اللى محتاجه من أول ربع كرتونه لحد 10 كراتين أو أكثر ونام فورى يحسبله سعر كلبه من كل منتج على حدى ويحسبله سعر طلبه الاجمالى من كل المنتجات فان هاسجل بيانات كل المحلات اللى فى منطقتى واعملهم حسابات على التطبيق بكل بياناتهم بحيث انى احفظ بياناتهم على التطبيق ....فعايز التطبيق يسهل لاصحاب المحلات استعراض بيانات ووصف وسعر منتجات الشركه ويقدر يطلب اللى محتاجه منها بالكميه اللى عايزها وفى الوقت اللى محتاجه ولما يأكد الطلب يوصل الطلب لحساب الشركه ولحساب المندوب وقتها المندوب يقدر يوصل الطلب ا لصاحب المحل زى ماهوا محتاج .. وعايز حساب المندوب يقدر يضيف بيانات كل المحلات الموجوده فى منطقته ويقدر يضيف و يبحث عن المحلات بالخريطه ويقدر ينظم المحلات اللى فى منطقته ويحفظ أماكنهم .. ومحتاج التطبيق يحل مجموعه من المشاكل فى العلاقه دى وانا محدد جزء من المشاكل فى ملف ال pdf المرفق مع المشروع .. بحيث عايز التطبيق يحاول يحقق منفعه لمناديب البيع بانه حفظ عليه كل بيانات المحلات اللى شغال معاها ويقدر يتواصل معاهم من خلال التطبيق ويقدر ينفع اصحاب المحلات انهم يستعرضوا ويطلبوا المنتجات اللى محتاجينها ويتواصلوا مع مناديب البيع والشركه ببساطه وينفع الشركه والمندوب فى زياده بيعهم

التطبيق والنموذج الاولى دا لو اتعمل ومشى هاوسع الموضوع لباقى مناديب الشركه وفيما بعد للشركات التانيه

انا واصف التطبيق بشكل اكبر والفكره العامه فيه والحسابات اللى فيه بشكل اكبر فى ملف ال بى دى اف المرفق مع المشروع ياريت أى مبرمج و مصمم يشوف ويقرأ الملف الأول ويفهم فكره المشروع وانا عايزه ازاى ولو مؤمن بالفكره ويحب يشتغل عليها يقدم عرض ونتواصل للاتفاق على باقى التفاصيل ونبدأ المشروع باذن الله

والنقطه الأساسيه فى المشروع دا انى محتاج نعمل النموذج الاولى وبعدين متابعه دايما على تحسينه وتعديله وتطويره لما يكون فى افكار دايما ليه ... انا متحمس جدا للمشروع دا ومستعد باذن الله للعمل بشكل كامل عليه وعامله خطط ومراحل لعمله وتسويقه وشارح بعضها فى ملف البى دى اف

ملحوظه مهمه لأى مستقل يقدم عرض على المشروع دا

ياريت الأول تحمل ملف الpdf الأول وتقرا تفاصيل أكتر عن التطبيق وتفهم الفكره وازاى محتاجه يكون

ولو عجبتك الفكره ومستعد للعمل عليه قدم عرض ونشتغل عليه باذن الله