فيديو إعلاني

عندي مشروع فيديو إعلاني مدته تتراوح بين (دقيقة إلى دقيقة و20 ثانية)، لقناتي الـ VIP الخاصة بألعاب نظارات الواقع الافتراضي.

​الهدف من الفيديو:

أريد أوصل رسالة للمشاهد إنه بدل ما يشتري كل لعبة بأسعار غالية، باشتراك واحد راح يفتح مكتبة بيها 1000 لعبة! ويقدر يستكشف ألعاب جديدة، والأهم إن القناة بيها ألعاب حصرية ومشاريع أصلاً ما متوفرة بنظام اللعبة الرسمي.

​فكرة المونتاج والستايل المطلوب:

الفيديو راح يعتمد كلياً على "الانتقالات بين العوالم" وتغيير الأجواء.

يعني (لشرح الفكرة فقط): مثلاً نبدأ الفيديو وأنا داخل لعبة قراصنة ومغامرة، المطلوب منك تضبط مؤثرات صوتية (SFX) وتأثيرات بصرية تعيش المشاهد بهذا الجو. بعدها أنا راح أسوي حركة (مثلاً أغطي الكاميرا بيدي)، وهنا تصير انتقالة سريعة ومفاجئة للعبة ثانية مختلفة تماماً، ولتكن لعبة رعب. هنا المطلوب منك تقلب الأجواء 180 درجة، وتغير المؤثرات لأصوات رعب وتوتر تتطابق مع اللعبة الجديدة، وهكذا مع كل انتقالة داخل الفيديو.

​المطلوب منك باختصار:

​ربط اللقطات بانتقالات حركية سلسة واحترافية (مثل حركة اليد وغيرها).

​إبداع بـ "الهندسة الصوتية"، بحيث كل ما ننتقل للعبة جديدة، يتغير الجو الصوتي بالكامل ليناسب نوع اللعبة اللي انعرضت.